ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ეოზინოფილური გრანულოციტი – / აციდოფილური / (granulocytus acidophilus eosinophilus ბერძნ.eos – აისი, შეფერილობა) სისხლის მსხვილი თეთრი უჯრედები. სისხლის ყველა ლეიკოციტის 1 – 5% – ს შეადგენს; შეიცავს ეოზინოფილურ გრანულებს, მონაწილეობს ორგანიზმის დამცველობით რეაქციებში, უცხო ცილის მიმართ ალერგიულ და ანაფილექსიურ რეაქციებში. აქვთ ფაგოციტოზის უნარი. (ც. გაჩეჩილაძე, ნ. ჩიკვილაძე.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ეოზინოფილები – (eosinophiliae იხ.ეოზინოფილია) სისხლის უფერო უჯრედები, რომელთა ციტოპლაზმა შეიცავს მარცვლოვანებას, რომელიც ინტენსიურად იღებება ეოზინით წითლად ან ვარდისფრად. ეოზინოფილები ბაზოფილურ და ნეიტროფილურ ლეიკოციტებთან ერთად ეკუთვნის მარცვლოვან ლეიკოციტებს, ანუ გრანულოციტებს . ისინი ვითარდებიან ძვლის წითელ ტვინში, გაივლიან რა ჰემოციტობლასტის, პრომიელოციტის, მიელოციტის და მეტამიელოციტის სტადიებს. (ც. გაჩეჩილაძე, ნ. ჩიკვილაძე.