ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი პროტამინები – 1. დაბალმოლეკულური ცილები (მოლ. მასა 4000 – 12000), რ – ებიც მოიპოვება თევზის სპერმატოზოიდში. პროტამინები დიდი რაოდენობით შეიცავს ფუძე ამინომჟავებს, განსაკუთრებით არგინინს (70 – 80%), რაც განაპირობებს ამ ცილების საერთო ფუძე თვისებებს. პროტამინები კარგად იხსნება წყალში, მჟავე და ნეიტრალურ არეში, ილექება ტუტეებით, გაცხელებისას არ დენატურირდება.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი პარაზიტები – (ბერძნ. parazitos – მუქთახორა), ორგანიზმები, რ – ებიც სხვა ორგანიზმების (მასპინძლების) ხარჯზე იკვებებიან და ზიანს აყენებენ მათ. განარჩევენ ფიტოპარაზიტებს (მცენარე – პარაზიტი), ზოოპარაზიტებს (ცხოველი – პარაზიტი) და ვირუსებს. პარაზიტების მასპინძელი შეიძლება იყოს ბაქტერია, აქტინომიცეტი, ყველა სისტემატიკური ჯგუფის მცენარე თუ ცხოველი. პარაზიტები იწვევენ მასპინძლის ორგანიზმის დასუსტებასა