ნეიტროპენია – [neutropenia; ნეიტრო(ფილი) + ბერძ. penia სიმწირე ] ნეიტროფილების რაოდენობის შემცირება სისხლის მოცულობით ერთეულში. შესაძლებელია იყოს მემკვიდრეობითი, აღინიშნება აგრანულოციტოზის, მწვავე ლეიკოზის დროს. გაფრთხილება! ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
B12 ვიტამინის დეფიციტით გამოწვეული ანემიები – ხასიათდებიან ძვლის ტვინში მეგალობლასტების გაჩენით, ერითროციტების ძვლის ტვინისშიგა დაშლით, ჰიპერქორომული მაკროციტული ანემიით, თრომბოციტოპენიითა და ნეიტროპენიით, კუჭ-ნაწლავის ტრაქტის ლორწოვანის ატროფული ცვლილებებით და ნერვული სისტემის ცვლილებებით.
ეტიოლოგია, პათოგენეზი. B12-დეფიციტური ანემიის იდიოპათური ფორმა (პერნიციოზური ანემია) ვითარდება ორგანიზმში ეგზოგენური ციანკობალამინის (ვიტამინი B12) არასაკმარისი შეღწევით; გვხვდება უმთავრესად ხანში შესულებში. პათოგენეზი უკავშირდება გლიკოპროტეინის გამომუშავების დარღვევას.