გასტრულა – (ბერძნ.gaster – კუჭი) გასტრულაციის პერიოდში განვითარებადი ორგანიზმია. ლანცეტაში გასტრულა ორშრიანი ფიალის მსგავსია, რომლის შრეებს შორის ნაპრალისებრი სივრცე ბლასტოცელის ნარჩენია. გასტრულას შიგნითა ღრუ – გასტროცელი გარემოსთანაა დაკავშირებული ბლასტოპორის – (blastoporus), ანუ პირველადი პირის მეშვეობით. უმაღლეს ხერხემლიანებში გასტრულას აქვს სამშრიანი აგებულება. მასში არჩევენ ჩანასახოვან ფურცლებს: გარეთა – ექტოდერმას, შუა – მეზოდერმას და შიგნითა – ენდოდერმას.
განაყოფიერება – (fertilizatio) ქალისა და მამაკაცის გამეტების შეერთება ერთ უჯრედად. მიღებული უჯრედი უკვე ახალი ორგანიზმია და მას ზიგოტა (zygota ბერძნ.zygote – შეწყვილებული) ეწოდება. ზიგოტა არა მარტო უჯრედია, არამედ ახალი ორგანიზმია განვითარების ერთუჯრედოვან სტადიაზე. (ც. გაჩეჩილაძე, ნ. ჩიკვილაძე. ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.”თბ.,”ცოდნა”.2000 წ.)განაყოფიერება – სასქესო უჯრედების, გამეტების შერწყმის პროცესი, რომლის შედეგად მიიღება განაყოფიერებული