ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი დაქტილიტი – მტევნის ან ტერფის თითების ანთება, უპირატესად ტუბერკულოზური წარმოშობისა. ვლინდება შეშუპებით, მტკივნეულობით, ძვლის დესტრუქციითა და გამსხვილებით. შესაძლო გართულებებია – აბსცესებისა და ნაწიბურების გაჩენა. გაფრთხილება! ბმულები: 1.საავტორო ფარმაცევტული სკოლა 2.სამედიცინო ლიტერატურა 3.საპატრიარქოს ქართული უნივერსიტეტი 4.დიეტები 5.ორსულობა და მშობიარობა
არასპეციფიკური წყლულოვანი კოლიტი – გაურკვეველი ბუნების დაავადება: მსხვილი, მათ შორის სწორი ნაწლავის ლორწოვანი გარსის ქრონიკული არასპეციფიკური ანთება, რომელიც იწვევს ნაწლავის კედლის დანეკროზებას, წყლულების, ეროზიების და ა. შ. განვითარებას. ვლინდება ტკივილებით მუცელში, ფაღარათით და ტენეზმებით, ნაწლავური სისხლდენებით, მაღალი ტემპერატურით; ნაწლაგარეშე გამოვლინებებით – კანის, თვალების ლორწოვანი გარსების დაზიანებით, პოლიართრიტით, ღვიძლის, თირკმელების და სხვ. დაზიანებებით. გართულებებია: პროფუზული სისხლდენა,