ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ჟილბერ – ბესეს სინდრომი – ოკულო – ბუკო – გენიტალური სინდრომი. ორმხრივი ირიტის შეხამება პირის ღრუს რძიანასთან და სასქესო ორგანოების დაწყლულება (ორივე სქესისათვის). გარდა ამისა აღინიშნება ერითემატოზური ხასიათის კანის ცვლილებები და ხშირად ძლიერი ტკივილი სახსრებში. ეტიოლოგია უცნობია, სავარაუდოა, რომ ვირუსულია. ხშირად იწვევს გართულებებს ნერვული სისტემის მხრიდან –
პტერიგიუმი (ფრთისებრი აპკი) – (თვალის დაავ.) კონიუნქტივის სამკუთხედის ფორმის ნაკეცი, რომელიც გადადის რქოვანაზე შიგნითა, იშვიათად გარეთა მხრიდან. ზრდა ნელა მიმდინაეობს. მხედველობა უარესდება, როდესაც ფრთისებრი აპკი აღწევს გუგის მიდამოს. ეტიოლოგია. ქარით, მტვრით, მძაფრი ანაორთქებისგან და ა.შ. კონიუნქტივის ქრონიკული გაღიზიანება. ცრუ პტერიგიუმი, რომელიც რქოვანაზე გადადის ნებისმიერი მხრიდან, წარმოიქმნება კონიუნქტივის ნაკეცის რქოვანას დაზიანებულ ზედაპირთან (წყლული, დამწვრობა) შეხორცების შედეგად.