ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ანეტოდერმია – (ბერძ. anetos – დასუსტებული, დუნე) კანის გაურკვეველი ეტიოლოგიის ადგილობრივი ატროფია. სხეულის, კიდურების, მხრების კანზე ვლინდება მრგვალი მოლურჯო – ვარდისფერი ლაქები ან ბებერები, რომლებიც შემდგომ ფერმკრთალდებიან და გარდაიქმნებიან მოთეთრო ფერის ატროფიულ უბნებად. კანის ატროფიული ცვლილებები შეუქცევადია. გაფრთხილება! ბმულები: 1. ლალი დათეშიძის საავტორო ფარმაცევტული სკოლა 2. სამედიცინო
ამბლიოპია დისბინოკულური – მხედველობის დაქვეითება ხილული ანატომიური ან რეფრაქციული ცვლილებების გარეშე. ეტიოლოგია. ბინოკულური მხედველობის დარღვევა შეუღლებული სიელმის დროს. პათოგენეზი. ცენტრალური მხედველობის სიმახვილის დაქვეითება, მხედველობის ფიქსაციის ხშირი დარღვევა. სათვალით მხედველობის გაუმჯობესება ვერ ხერხდება. აღნიშნული დარღვევები თანდათანობით იძენენ სულ უფრო მყარ, რიგ შემთხვევებში შეუქცევად ხასიათს. ობიექტურად რაიმე ცვლილებები გარდამტეხი გარემოსა და თვალის ფსკერის მხრივ არ აღინიშნება. დიაგნოზი