ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი კვანძი – 1. (სტომატ.) nodus კანის გამონაყრის პირველადი მორფოლოგიური ელემენტი, რომელიც წარმოადგენს დერმასა და კანქვეშა უჯრედისის ღრმა ფენებში განვითარებულ ინფილტრატს. 2. კვანძი – (ინტ.) node კომპიუტერი, ტერმინალი ან ნებისმიერი სხვა მოწყობილობა, მიერთებული ქსელთან. თითოეულ კვანძს აქვს უნიკალური მისამართი, რაც ქსელის სხვა კომპიუტერებს მასთან დაკავშირების საშუალებას აძლევს. გაფრთხილება!
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ეპიდერმოდერმიტი – ანთებითი პროცესი, რომელიც მოიცავს ერთდროულად დერმასა და ეპიდერმისს. ხშირია სტრეპტოკოკური, რომელიც ლოკალიზდება კიდურების კანზე, ქალებში – ძუძუს დვრილებზე და სარძევე ჯირკვლების ქვეშ. დამახასიათებელია დაზიანების ცალმხრივობა, კერის მკვეთრი საზღვრები, ტიპიური სტრეპტოკოკური ფლიქტენები მის ზედაპირზე და კერის მახლობლად. ხშირად აღინიშნება ძლიერი ქავილი. მკურნალობა: ანტიბიოტიკები, ადგილობრივად ანტისეპტიკური საშუალებები.