ნეირონი
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ნეირონი – 1. (ბერძნ neuron – ნერვი), ნევრონი, ნევროციტი, ნერვული უჯრედი, მთავარი სტრუქტურულ – ფუნქციური ერთეული ნერვული ქსოვილისა, რომლისგანაც არის აგებული ადამიანისა და ცხოველების ნერვული სისტემა.2. მორჩებიანი ნერვული უჯრედი, ნერვული სისტემის სტრუქტურულ – ფუნქციური ერთეული. ნერვული უჯრედი შედგება სხეულის (perikarionis), მორჩებისა (ნევრიტი და დენტრიტები) და მათი დაბოლოებებისაგან.