ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი დუღილი – ინტენსიური ორთქლწარმოქმნა როგორც სითხის თავისუფალი ზედაპირიდან, ისე მთელ მის მოცულობაში წარმოშობილი ორთქლის ბუშტუკების შიგნით აორთქლების გზით მუდმივი გარე წნევის დროს (მაგ., ატმოსფერული წნევა). დუღილი იწყება გარკვეულ ტემპერატურაზე, რომელსაც დუღილის ტემპერატურა ეწოდება. დუღილი შესაძლებელია სითხის ორთქლთან წონასწორობის მთელ ტემპერატურულ ინტერვალში (სამმაგ წერტილსა და კრიზისულ ტემპერატურას შორის).
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ასციტი – მუცლის წყალმანკი. მუცლის ღრუში სითხის (ტრანსუდატის) დაგროვება, რაც განპირობებულია შემდეგი მიზეზებით: ღვიძლის და მუცლის ღრუს ორგანოების ავთვისებიანი სიმსივნეები, სისხლის მიმოქცევის დარღვევები კარის ვენის სისტემაში, პერიტონეუმის ტუბერკულოზი, გულის მანკები, ზოგჯერ თირკმლის დაავადებები. სიმპტომები და მიმდინარეობა. მუცელი მოცულობაში მომატებულია. აღინიშნება პერკუტორული ხმიანობის მოყრუება, ავადმყოფის ერთი გვერდიდან მეორეზე