ნეიროდერმიტი – ქრონიკული დერმატოზია, რომელიც ხასიათდება ქავილით, პაპულოზური გამონაყარითა და კანის ლიქენიზაციით დაზიანების კერებში. ნეიროდერმიტი კანის გავრცელებული დაავადებაა და საშუალოდ შეადგენს დერმატოზების საერთო რაოდენობის 4%-ს. განარჩევენ დერმატოზების ორ ფორმას – შემოსაზღვრული და დიფუზური. შემოსაზღვრული ნეიროდერმიტით ავადდებიან თითქმის მხოლოდ მოზრდილები, მაშინ როდესაც დიფუზური ნეიროდერმიტი გვხვდება ნებისმიერ ასაკში, თუმცა უხშირესად ბავშვებში.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ფსიქოსომატიკა – (ფსიქოლოგია) (ფსიქოსომატური დაავადებები)სამედიცინო ფსიქოლოგიის მიმართულება, რომელიც შეისწავლის ფსიქოლოგიური ფაქტორების გავლენას რიგი სომატური დაავადებების წარმოშობაში (ბრონქული ასთმა, ჰიპერტონული დაავადება, 12 – გოჯა ნაწლავის წყლულოვანი დაავადება, წყლულოვანი კოლიტი, ნეიროდერმიტი, არასპეციფიური ქრონიკული პოლიართრიტი). ფსიქოლოგიური ფაქტორები გარკვეულ როლს თამაშობენ სხვა დაავადებების განვითარებაშიც: შაკიკი, ენდოკრინული დარღვევები, ავთვისებიანი წარმონაქმნები და სხვ.