ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ეოზინოფილური გრანულოციტი – / აციდოფილური / (granulocytus acidophilus eosinophilus ბერძნ.eos – აისი, შეფერილობა) სისხლის მსხვილი თეთრი უჯრედები. სისხლის ყველა ლეიკოციტის 1 – 5% – ს შეადგენს; შეიცავს ეოზინოფილურ გრანულებს, მონაწილეობს ორგანიზმის დამცველობით რეაქციებში, უცხო ცილის მიმართ ალერგიულ და ანაფილექსიურ რეაქციებში. აქვთ ფაგოციტოზის უნარი. (ც. გაჩეჩილაძე, ნ. ჩიკვილაძე.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ანთებითი დაავადებები გინეკოლოგიურ ავადმყოფებში – (გინეკ.) სასქესო ორგანოების სხვა დაავადებებზე გაცილებით ხშირად გვხვდება. მათი გამომწვევები შეიძლება იყვნენ სხვადასხვა ბაქტერიები: სტაფილოკოკები, სტრეპტოკოკები, ნაწლავის ეშერიხია, გონოკოკი, ტუბერკულოზური ჩხირი (მიკობაქტერია), ტრიქომონადები, სოკოები, აგრეთვე ანაერობული ბაქტერიები და სხ. ანთებითი პროცესის განვითარება და მიმდინარეობა დამოკიდებულია გამომწვევის ხასიათზე და განსაკუთრებით ქალის ორგანიზმის დამცველობით