აქტინი – კუნთოვანი ბოჭკოს ცილა. გვხვდება ორი ფორმით: გლობულური (გ – აქტინი) და ფიბრილური (ფ – აქტინი). ნეიტრალური მარილების მოქმედებით გ – აქტინი გადადის უფრო მაღალმოლეკულურ ფ – აქტინში, რომელიც ხასიათდება მაღალი სიბლანტით და ორმაგი შუქტეხით. მოსვენებულ კუნთში აქტინი ფ – აქტინის ფორმითაა და მიოზინთან მაღალი სიბლანტის კომპლექსურ ცილას – აქტომიოზინს – ქმნის. [“1”] აქტინი
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ბაზალური მემბრანა – (membrana basalis ბერძნ.basis – საფუძველი) რთული, დინამიური, აქტიური ნახშირწყლოვან – ცილოვან – ლიპიდური კომპლექსია და მაორგანიზებელ ფუნქციას ასრულებს შემაერთებელი ქსოვილის უჯრედებს, მის წარმონაქმნებსა და სხვა მუშა ქსოვილოვან ელემენტებს შორის. ქსოვილის შემადგენელი უჯრედები და მათი წარმონაქმნები მეზობელ სხვა ქსოვილთა უჯრედებისაგან გამიჯნულია ბაზალური მემბრანით (ბაზალური ფირფიტა).